Manifestuaren aurkezpena uztailaren 14ean egin zen, 180 sinatzailerekin. Abuztuaren 7an, 401 sinadura bildu ditugunean, Udalari helarazi dizkiogu erregistro bidez (lehen ere posta elektronikoz bidali genizkien zinegotzi guztiei), eta eskatu diogu Manifestuan jasotako eskaerak bere egin ditzala eta Leioa Animalien Tratu Txarrik gabeko udalerri izendatu dezala, animalien sufrimendua eragiten duten jarduera guztiak ezabatuz.
Irakurri hemen Manifestuaren sinatzaileen zerrenda:
Animaliekiko errespetua: datozen 500 urteetako Leioarako tradizio berria (Manifestua)
Joan den mendeko 50eko hamarkadan egin ziren Leioan lehenengo Asto Probak). Hauek ziren garai hartan indarrean zeuden beste tradizio batzuk:
- Emakumeek ezin zuten kontu korronterik zabaldu bere senarraren edo aitaren baimenik gabe.
- Homosexualak jazarriak ziren, Alferren eta Gaizkileen Legea aplikatuta.
- Euskara debekatuta zegoen, euskal kulturaren adierazpen gehienak bezala, Olentzero, kasu.
Zorionez, aurten 500 urte betetzen duen hiri unibertsitarioak zerikusi gutxi dauka lehenengo Asto Probak hartu zituenarekin.
Urte askotako borroka sozialak aldaketa garrantzitsuak ahalbidetu zituen, Giza Eskubideak, Justizia Soziala eta Ekologia gure gizartearen ardatz egituratzaile bihurtuz.
Hori oinarri hartuta, animaliekin dugun harremana berraztertzen joan gara, animalien sufrimendua dibertitzeko modu gisa hartzen duten portaeretatik hasita.
Leioan bizi diren 3.000 pertsona baino gehiagok Herri Ekimen bat sinatu dute Udalari eskatzeko Asto Probak desagertu daitezela San Bartolomeko jaietatik eta ordezkatuak izan daitezela herri osoa batzen duen eta animalien sufrimendurik eragiten ez duen beste jarduera batekin.
Manifestua sinatzen dugunok, zientziari, kulturari eta euskal gizarteari lotuta, Leioako Udalari eskatzen diogu ez ditzala alde batera utzi Asto Probetan astoek jasaten duten sufrimenduaren ebidentzia zientifikoak, eta aukera hau balia dezala Leioa etikoago eta modernoago baterantz aurrera egiteko, hurrengo 500 urteetarako tradizio berri bat ezarriz: animaliekiko errespetua.
Azalpenak
Leioako San Bartolome auzoan urtero egiten dira harria arrastatzeko probak astoekin (Asto Probak). Bertan, 400 kilo inguruko asto batek 700 kiloko harria arrastaka mugitu behar du 20 minutu luzez.
Teresa Gamonal albaitaria eta etologoak dio horrek muskuluetako eta bihotz-hodietako estres izugarria eragingo diola astoari.
Berak egindako txostena helbide honetan eskura daiteke:
https://labur.eus/astoprobak
Martxoaren 31an eta ekainaren 23an, San Bartolomeko jaiak animaliekiko errespetuzkoak izateko Herri Ekimena aurkeztu zen Leioako Udaletxean, Leioan bizi diren 3.000 pertsonen babesarekin. Bertan San Bartolome auzoko jaietan egiten diren Asto Probak kentzeko eta horren ordez, denontzako pozgarriak diren eta animalien sufrimendua eragiten ez duen beste aktibitate bat jartzea eskatu zuten.
Udalari eskatzen zaio ez antolatzea, diruz ez laguntzea eta espazio edo eraikin publikoak erabiltzeko baimenik ez ematea animaliekin harria arrastatzeko probak beren programen barruan daukan inolako festa edo ekitaldiri.
Lehenago ere sinadurak bildu ziren Change-org en bitartez,(11.500 2015ean eta 45.000 2019an) baina Udaletxeak ez zuen kasurik egin. Herri Ekimenaren bidez, eskaera Udalbatzan eztabaidatu eta bozkatu zen uztailaren 23ko osoko bilkuran.
Zoritxarrez, Leioako Udalak uztailaren 23an egindako osoko bilkuran atzera bota zuen Herri Ekimena. Osoko bilkura horri buruzko informazio guztia esteka honetan duzu:
Ez dugu etsiko!
Hala ere, Animnaliekiko Tratu txarrik ez Leioako elkarteak ez du etsiko. Eskerrak eman nahi dizkiegu Manifestuaren 401 sinatzaileei eta baita Herri Ekimena sinatu zuten 3.000 pertsona baino gehiagori, bai eta ekimena babestu zuten albaitaritza-klinika, elkarte eta profesionalei ere, emandako laguntzagatik.
Ekimen, kanpaina eta mobilizazio berriak bultzatzen jarraituko dugu San Bartolome jaiak animalien sufrimendurik gabe ospatu ahal izateko.
Horretarako jaietan izango gara:
Herritarrei dei egiten diegu astelehenean, hilak 24, 18:30ean, San Bartolome ermitaren atzealdean egingo den kontzentrazioan parte hartzera. Elkarretaratze baketsua izango da, Asto Probak gaitzesteko balioko duena.
Informazio-mahaiak jarriko ditugu San Bartolome ermitaren ondoan 21ean, 17:30etik 19:30era, eta abuztuaren 22an eta 23an, 12etatik 14etara.
Leioa contra el Maltrato Animal 